Որքա՞ն հաճախ պետք է մաքրել այս սովորական 8 կենցաղային իրերը

Բնակելի տարածքները մաքուր և հիգիենիկ պահպանելը կարևոր է առողջ ապրելակերպի համար: Այնուամենայնիվ, մեզանից շատերը անտեսում են այն հանգամանքը, որ որոշ կենցաղային իրեր հաճախ մաքրման կարիք են ունենում։ Տեսանելի կեղտը, մանրէները կամ կուտակումները հեռացնելը հիգիենան պահպանելու, բակտերիաների, վիրուսների կամ ալերգենների տարածումը կանխելու համար ամենապարզ ու արդյունավետ մեթոդն է։ Այն կարող է լինել ամենօրյա լվացումներից մինչև ավելի մանրակրկիտ խորը մաքրում: Ահա մի ուղեցույց, որը կօգնի Ձեզ  հասկանալ, թե որ իրերեին է հատկապես հարկավոր ուշադրություն դարձնել և ինչպես ճիշտ պահպանել դրանց մաքրությունը:

1.Խոհանոցային սպունգեր

Լվանալու հաճախականությունը՝ ամեն օր կամ յուրաքանչյուր օգտագործումից հետո:

Ինչո՞ւ. Սպունգերը Ձեր տան ամենաբակտերիալ իրերից են, դրանք կարող են պարունակել բակտերիաներ, ինչպիսիք են E.coli-ն և salmonella-ն:

Ինչպե՞ս մաքրել. դրանք 5 րոպե ընկղմել եռացող ջրի մեջ կամ դնել աման լվացող մեքենայի մեջ ամենարագ ցիկլով՝ արդյունավետ մաքրման և ախտահանման համար:

2.Անկողնային պարագաներ

Հաճախականությունը՝ շաբաթը մեկ անգամ:

Ինչու․սավանները կամ բարձի երեսները հավաքում են քրտինքը և փոշին, որոնք կարող են առաջացնել ալերգիա և մաշկի գրգռում։

Ինչպես մաքրել. Լվացեք տաք ջրով (առնվազն 130°F) և լավ որակի լվացող միջոցով, որը ոչնչացնում է բակտերիաները և ալերգենները:

3.Ատամի խոզանակներ

Հաճախականությունը․ լվանալ յուրաքանչյուր օգտագործումից հետո և փոխարինել 3-4 ամիսը մեկ:

Ինչու․ատամի խոզանակները ժամանակի ընթացքում կարող են բակտերիաներ կուտակել և կորցնել արդյունավետությունը։

Ինչպես մաքրել. ամեն անգամ ատամները լվանալուց հետո մանրակրկիտ լվանալ նաև խոզանակը և թողնել չորանա: Լրացուցիչ խնամքի համար շաբաթական մեկ անգամ թրջել ջրածնի պերօքսիդի լուծույթում:

4.Դռների բռնակներ և լույսերի անջատիչներ

Հաճախականություն. Շաբաթական մեկ անգամ կամ ավելի հաճախ, եթե ինչ–որ մեկը տանը հիվանդ է:

Ինչու․Հաճախ հպման մակերեսները մանրէների և վիրուսների կուտակման համար թեժ կետեր են։

Ինչպես մաքրել. սրբել ախտահանող կամ հակաբակտերիալ նյութերով կամ անձեռոցիկներով:

5.Հեռակառավարման վահանակներ

Հաճախականությունը․շաբաթը մեկ անգամ:

Ինչու. Հեռակառավարման վահանակները հաճախ են օգտագործվում, բայց հազվադեպ են մաքրվում, ինչը նպաստում է բակտերիաների բազմացմանը:

Ինչպես մաքրել. Դժվար հասանելի վայրերի համար օգտագործեք փափուկ շոր՝ սպիրտային հիմքով մաքրող միջոցով և մանր խոզանակ:

6.Սառնարան

Հաճախականությունը․ամեն ամիս:

Ինչու․ Սննդամթերքի թափվելը կամ ժամկետանց ապրանքների առկայությունը կարող են հանգեցնել բորբոսի և բակտերիաների աճի։

Ինչպես մաքրել. Հեռացնել իրերը, սրբել դարակները տաք օճառաջրով և կիրառել ախտահանիչ լուծույթ:

7.Էլեկտրոնիկա (ստեղնաշարեր, հեռախոսներ, պլանշետներ)

Հաճախականությունը․ամեն շաբաթ:

Ինչու. Էլեկտրոնային սարքերը հաճախ շոշափվում են, բայց հազվադեպ են մաքրվում, այդ իսկ պատճառով կարող են պարունակել յուղեր, կեղտ և բակտերիաներ:

Ինչպես մաքրել. սրբել միկրոֆիբրե կտորով և փոքր քանակությամբ իզոպրոպիլային սպիրտով (70%):

8.Գորգեր

Հաճախականությունը․վակուումային ամեն շաբաթ, խորը մաքրում 6-12 ամիսը մեկ:

Ինչու. Գորգերը վերցնում են փոշին, կեղտը և ալերգենները, որոնք կարող են ազդել օդի որակի վրա:

Ինչպես մաքրել. Օգտագործեք վակում՝ բարձր արդյունավետության ֆիլտրով և վարձեք պրոֆեսիոնալ մաքրման ծառայություններ խորը մաքրման համար:

Այս կենցաղային իրերի մաքրման ժամանակացույցի պահպանումը ոչ միայն կբարելավի ձեր տան հիգիենան, այլև կնպաստի Ձեր առողջության պահպանմանը:

Կանոնավոր մաքրումը կանխում է մանրէների և ալերգենների կուտակումը` ապահովելով ավելի անվտանգ միջավայր Ձեր և Ձեր ընտանիքի համար: