Ինչպե՞ս ստեղծել ամենօրյա առողջ ռեժիմ
Կյանքը հաճախ կարող է հագեցած լինել ծանր գրաֆիկներով և անվերջ անելիքների ցուցակներով: Այնուամենայնիվ, առօրյայում պետք չէ մոռանալ նաև առողջ սովորությունների մասին: Ընդամենը օրական մոտ 1 ժամ տրամադրելով դուք կարող եք զարգացնել Ձեր թե՛ ֆիզիկական, թե՛ մտավոր առողջությունը: Ահա մանրամասն ուղեցույց Ձեր բարեկեցությանն առաջնահերթություն տվող ռեժիմ ստեղծելու համար:
- Սկսեք օրը որոշակի ակտիվությամբ
Ֆիզիկական ակտիվությունը նույնիսկ փոքր չափաբաժիններով կարող է աշխուժացնել Ձեր մարմինն ու միտքը գալիք օրվա համար: Առավոտյան 10 րոպե տրամադրեք թեթև վարժություններին։ Օրինակ՝
- Կարող եք զբաղվել յոգայով Ձեր մկանները ձգելու և էներգիա ստանալու համար
- Դուրս եկեք մի քանի րոպե քայլելու Ձեր շրջակայքում կամ ուղղակի հնարավորության դեպքում աշխատանքի գնացեք ոտքով
- Կատարեք թեթև վարժություններ, ինչպիսիք են կքանիստերը, ձգումները, հրումները և այլն:
Բազմազանություն ապահովելու համար դուք կարող եք անել տարբեր վարժություններ ամբողջ շաբաթվա ընթացքում: Օրինակ՝ երկուշաբթի օրը յոգա, չորեքշաբթի օրը՝ ձգումներ, իսկ ուրբաթ օրը՝ արագ քայլք: Դա նշանակում է, որ դուք աշխատում եք տարբեր մկանային խմբերի հետ և համաչափ զարգացնում եք դրանք:
Առավոտյան շարժումները խթանում են Ձեր նյութափոխանակությունը, բարելավում են արյան շրջանառությունը և շատացնում էնդորֆինները՝ «լավ ինքնազգացողության» հորմոնները:
- Զբաղվեք մտքերը կարգավորելով կամ մեդիտացիայով
Ընդամենը 5 րոպե հատկացնելը կարող է օգնել նվազեցնել սթրեսը և բարելավել կենտրոնացումը: Նստեք հանգիստ տարածքում, փակեք ձեր աչքերը և կենտրոնացեք ձեր շնչառության վրա: Կարող եք նաև ՝
- Օգտագործել ուղղորդված մեդիտացիայի հավելվածներ
- Փորձել դրական տրամադրվել՝ մտածելով երեք բաների մասին, որոնց համար դուք շնորհակալ եք:
Կատարել վիզուալիզացիա, պատկերացնելով թե ինչպես եք հասնում ձեր օրվա նպատակներին:
- Պատրաստեք և օգտագործեք առողջ խորտիկներ կամ ըմպելիքներ
Ճիշտ սննդանյութեր ընտրելը կարևոր է էներգիան և կենտրոնացումը պահպանելու համար: 5 րոպե տրամադրեք արագ, առողջարար խորտիկներ կամ ըմպելիքներ պատրաստելուն, ինչպիսիք են.
- Մրգային սմուզիները
- Հունական յոգուրտը հատապտուղներով և ընկույզով
- Մի բաժակ գոլ կիտրոնով ջուրը՝ մարսողությունը բարելավելու համար
Մարսողությունը լրացուցիչ խթանելու համար կարող եք ձեր սնունդին ավելացնել այնպիսի հավելումներ, ինչպիսիք են չիայի սերմերը, կտավատի սերմերը կամ մեկ գդալ ընկույզի կարագը: Այս փոքր հավելումները ապահովում են էներգիայի մեծ հոսք և մատակարարում են հիմնական սննդանյութերը:
- Պլանավորեք ձեր օրը և կանոնակարգեք առաջադրանքները
5 րոպե հատկացրեք ձեր ընդհանուր անելիքները պլանավորելուն և բացահայտեք ձեր գլխավոր երեք առաջնահերթությունները օրվա համար: Կարող եք օգտագործել պլանավորման թվային հավելված՝ առաջադրանքները գրառելու և հիշեցումների համար: Այս պրակտիկան նվազեցնում է որոշումներ կայացնելու սթրեսը և ապահովում կենտրոնացումը այն ամենի վրա, ինչը իսկապես կարևոր է:
Լրացուցիչ արդյունավետության համար փորձեք առաջադրանքներին հատկացնել որոշակի ժամանակային հատվածներ, որպեսզի նվազագույնի հասցնեք շեղումները: Օրվա պլանը կեսօրին վերանայելը կարող է օգնել անհրաժեշտության դեպքում փոփոխել առաջնահերթությունները:
- Հանգստանալ քնելուց առաջ
Առողջ առօրյան միայն առավոտը չէ։Նույնքան կարևոր է այն, թե ինչպես եք ավարտում ձեր օրը: Նախքան քնելը 5 րոպե տրամադրեք հանգստանալուն և հանգիստ քնին պատրաստվելուն: Այն կարող է ներառել՝
- Ձեր մտքերը գրելը կամ օրվա ձեռքբերումների մասին մտածելը
- Մի քանի էջ կարդալը
- Խորը շնչառական վարժություններ կատարելը՝ լիցքաթափվելու համար
Ավելի որակյալ և հանգիստ քուն ունենալու համար մտածեք քնելուց համապատասխան միջավայր ստեղծելու մասին, որը ներառում է լույսերը թուլացնելը, քնելուց առնվազն 30 րոպե առաջ էկրաններից կտրվելը և հանգստացնող երաժշտություն լսելը: Սա ձեր միտքն ու մարմինը պատրաստում է հանգիստ և խորը քնին:
Օրական տրամադրելով ընդամենը մեկ ժամ դուք կարող եք ստեղծել ռեժիմ, որը կբարելավի Ձեր ֆիզիկական, մտավոր և էմոցիոնալ առողջությունը: Հիմնականում հաջողության գրավականը հետևողականությունն է, նույնիսկ փոքր, դրական սովորությունները ժամանակի ընթացքում կարող են մեծ ազդեցություն ունենալ: Հիշեք, որ խոսքը ոչ թե կատարելության, այլ առաջընթացի մասին է: Սկսեք այսօր և համուզվեք, թե ինչպես են այս պարզ քայլերը փոխում ձեր ընդհանուր բարեկեցությունը:
